2024 மார்ச் 29, வெள்ளிக்கிழமை

‘விக்கெட்டுகளை கைப்பற்ற அவரால் முடியும்’

Editorial   / 2017 ஓகஸ்ட் 01 , பி.ப. 09:22 - 0     - {{hitsCtrl.values.hits}}

“டெஸ்ட் போட்டியொன்றில் நான்காவது இனிங்ஸில், நாங்கள் விக்கெட்டுகளைக் கைப்பற்ற வேண்டும் எனும் போது, அவரால் செய்ய முடியும்” என மொயின் அலியை, இங்கிலாந்தின் டெஸ்ட் போட்டிகளுக்கான அணித்தலைவர் ஜோ றூட் புகழ்ந்துள்ளார்.

மொயின் அலியின் ஹட்-ட்ரிக் உடன் தென்னாபிரிக்காவை வென்ற இங்கிலாந்து, நான்கு போட்டிகள் கொண்ட டெஸ்ட் தொடரில் 2-1 என்ற ரீதியில் முன்னிலை பெற்றுக் கொண்டது.

இரண்டாவது போட்டியில் 340 ஓட்டங்களால் தோல்வியடைந்ததைத் தொடர்ந்து, பலத்த விமர்சனங்களுக்கான இங்கிலாந்து அணி, இந்த வெற்றியுடன் தலைநிமிர்ந்து கொண்டது.

ஐக்கிய இராச்சியத் தலைநகர் இலண்டனில் அமைந்துள்ள, 127 ஆண்டு கால வரலாறு கொண்ட ஓவல் மைதானத்தில், தமது 100ஆவது டெஸ்ட் போட்டியில் இங்கிலாந்து விளையாடிய நிலையில், ஓவல் மைதானத்தில், டெஸ்ட் போட்டிகளில் கைப்பற்றப்பட்ட முதலாவது ஹட்-ட்ரிக்காக மொயின் அலியின் ஹட்ரிஜ் அமைந்தது.

இதேவேளை, எந்தவொரு கிரிக்கெட் போட்டிகளிலும் ஹட்-ட்ரிக்கைக் கைப்பற்றியிருக்காத மொயின் அலிக்கு, ஹட்-ட்ரிக்கை கைப்பற்றியமையானது, வித்தியாசமான அனுபவத்தை வழங்கியிருந்தது.

இந்நிலையில் கருத்துத் தெரிவித்த றூட், அழுத்தம் குறைந்த வேளைகளில் மொயின் அலி சிறப்பாகச் செயற்படுவதாகக் கூறியுள்ளார்.

இதுதவிர, இரண்டாவது போட்டியில் பெற்ற மோசமான தோல்வியைத் தொடர்ந்து வீரர்கள் மீண்டு வந்தமையையும் றூட் பாராட்டியுள்ளார். தவிர, இந்தப் பெறுபேறுகளை அடுத்த போட்டியில் தொடர வேண்டும் என றூட் கூறியுள்ளார்.


You May Also Like

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .