த.தே.கூ. வேட்பாளரின் அலுவலகம் மீது தாக்குதல்

மட்டக்களப்பு மாநகரசபைக்குப் போட்டியிடும் தமிழ்த் தேசியக் கூட்டமைப்பு வேட்பாளர் ஒருவரின் அலுவலகம் மீது, நேற்று (07) இரவு தாக்குதல் நடத்தப்பட்டுள்ளதாக, மட்டக்களப்பு பொலிஸ் நிலையத்தில் முறையிடப்பட்டுள்ளது.

மட்டக்களப்பு மாநகரசபை தேர்தலில் 03ஆம் வட்டாரத்தில் போட்டியிடும் கந்தசாமி ரகுநாதன் என்பவரின் கொக்குவிலில் உள்ள தேர்தல் அலுவலகம் மீதே, இந்த தாக்குதல் நடத்தப்பட்டுள்ளதாகத் தெரிவிக்கப்பட்டுள்ளது.

இரவு 10.30 மணியளவில் மோட்டார் சைக்கிளில் வந்த இருவர், இந்தத் தாக்குதலை நடத்தியுள்ளதாகவும் குறித்த முறைப்பாட்டில் தெரிவிக்கப்பட்டுள்ளது.

அலுவலகத்தின் மேல் பகுதியில் வைக்கப்பட்டிருந்த பதாகை சேதமாக்கப்பட்டுள்ளதுடன், கட்சியின் கொடியும் எரிக்கப்பட்டுள்ளதாகவும் மேற்படி முறைப்பாட்டில் தெரிவிக்கப்பட்டுள்ளது.