தீயணைப்பாளர் பதவிக்கான நியமனங்கள் வழங்கி வைப்பு

எப்.முபாரக், ஹஸ்பர் ஏ ஹலீம், ஏ.எச்.ஏ. ஹுஸைன், எம்.எஸ்.எம்.நூர்தீன்

கிழக்கு மாகாணத்தில் மிக நீண்ட காலமாக தீயணைப்புச் சேவையில் கடமையாற்றியவர்களுக்கான நிரந்தர நியமனங்களை, அம்மாகாண ஆளுநர் எம்.எல்.ஏ.எம். ஹிஸ்புல்லாஹ், நேற்று முன்தினம் (09) வழங்கிவைத்தார்.

மட்டக்களப்பு மாநகர சபை மண்டபத்தில் இடம்பெற்ற இந்நிகழ்வில், மட்டக்களப்பு, அம்பாறை, திருகோணமலை ஆகிய மாவட்டங்களின் 5 உள்ளூராட்சி சபைகளுக்குட்பட்ட பிரதேசங்களில் கடமையாற்றும் தமிழ், முஸ்லிம், சிங்கள சமூகங்களைச் சேர்ந்த  66 பேருக்கு, இந்நிரந்தர நியமனங்கள் வழங்கப்பட்டன.