நிலுவையிலுள்ள நீர் விநியோகங்கள் துண்டிக்கப்படும்

காத்தான்குடி, நகரசபை பிரிவில் மூன்று மாதங்களைக் கடந்தும் நிலுவைகளைச் செலுத்தாத அனைத்து வாடிக்கையாளர்களுடைய நீர்விநியோகங்களும் டிசெம்பர் மாதம் 31 ஆம் திதியுடன் துண்டிக்கப்படவுள்ளதாக, தேசிய நீர்வழங்கல் வடிகாலமைப்புச் சபையின் காத்தான்குடி நிலையப் பொறுப்பதிகாரி பசால் முஹமட் தெரிவித்தார்.

காத்தான்குடி பிரதேசத்தில் 10,841 நீர் விநியோக இணைப்புக்கள் செயற்படுகின்றன. இவற்றுள், அதிகமான பாவனைளாளர்கள், சுமார் மூன்று மாதங்களைத் தாண்டியும் நிலுவைகளைச் செலுத்தத் தவறியுள்ளனர்.

இதனால் காத்தான்குடி நிலையத்தில் சுமார் 10 மில்லியன் ரூபாய் நிலுவையாகவுள்ளதாவும் அவர் தெரிவித்தார்.

இதனை கருத்திற்கொண்டு, புதிய ஆண்டில் நிலுவைகளைச் செலுத்தாத அனைத்து இணைப்புகளையும் துண்டிக்கவுள்ளதாக அவர் மேலும் தெரிவித்தார்.