புதிய தலைவர் நியமனம்

காத்தான்குடி பள்ளிவாசல்கள் முஸ்லிம் நிறுவனங்களின் சம்மேளனத்தின் புதிய தலைவராக, மௌலவி எம்.ஐ.ஆதம்லெவ்வை, இன்று (31) நியமிக்கப்பட்டார்.

காத்தான்குடி பள்ளிவாசல்கள் முஸ்லிம் நிறுவனங்களின் சம்மேளனத்தின் 2018/2019 காலப்பகுதிக்கான பொதுச் சபைக் கூட்டம், நேற்றுமுன்தினம்(29) இடம்பெற்றது.

இதன்போது, அங்கு இடம்பெற்ற தலைவர் தெரிவில் அமைதியின்மை ஏற்பட்டதால், தலைவர் தெரிவு பிற்போடப்பட்டு, அதற்கான பொறுப்பு, காத்தான்குடி முதலாம் குறிச்சி மீரா பெரிய ஜும்ஆ பள்ளிவாசலிடம் வழங்கப்பட்டிருந்தது.

இதையடுத்து, காத்தான்குடி முதலாம் குறிச்சி மீரா பெரிய ஜும்ஆ பள்ளிவாசலின் தலைவரான மௌலவி எம்.ஐ.ஆதம்லெவ்வை பலாஹியை, சம்மேளனத்தின் தலைவராக நியமிப்பதெனத் தீர்மானிக்கப்பட்டது.
இதனடிப்படையில், சம்மேளனத்தின் புதிய தலைவராக மௌலவி ஏ.எல்.ஆதம்லெவ்வை நியமிக்கப்பட்டுள்ளார்.