விழிப்புணர்வு நடைபவனி

எம்.எஸ்.எம்.நூர்தீன், வா.கிருஸ்ணா

மட்டக்களப்பில், “ஒரு நடை மாற்றுத் திறனாளிகளுக்காக” எனும் தொனிப்பொருளில், மாற்றுத்திறனாளிகளின் விழிப்புணர்வு நடைபவனி, இன்று ​(08) காலை நடைபெற்றது.

எதிர்வரும் 28, 29ஆம் திகதிகளில் நடைபெறவுள்ள “தமிழ் பரா” மாற்றுத்திறனாளிகளின் விளையாட்டு நிகழ்வையொட்டி, இந்த விழிப்புணர்வு நடைபவனி இடம்பெற்றது.

மட்டக்களப்பு, நகரிலுள்ள காந்தி பூங்காவுக்கு முன்னால் நடைபெற்ற விழிப்புணர்வு நடைபவனியில், மட்டக்களப்பு மாவட்டத்திலுள்ள மாற்றுத்திறனாளிகள் அமைப்புகளின் பிரதிநிதிகள், அமைப்பால் நடத்தப்படும் பாடசாலைகளின் மாணவர்கள், சமூக சேவை உத்தியோகத்தர்கள், அரச சார்பற்ற நிறுவனங்களின் பிரதிநிதிகள் எனப் பலரும் கலந்து கொண்டனர்.