அடிக்கல் நாட்டிவைப்பு

எஸ்.கணேசன் 

ஹப்புத்தளை, தம்பேதன்ன மவுசாகல தோட்டத்தில், 2014ஆம் ஆண்டு இடம்பெற்ற மண்சரிவு காரணமாகப் பாதிக்கப்பட்ட 68 குடும்பங்களுக்கு, புதிய வீடுகளைக் கட்டிக்கொடுப்பதற்கான அடிக்கல் நாட்டும் நிகழ்வு, நேற்று (26) நடைபெற்றது. இந்த அடிக்கல் நாட்டும் நிகழ்வில், இலங்கை தேசிய தோட்ட தொழிலாளர்கள் சங்கத்தின் பொது செயலாளரும் பெருந்தோட்ட கைத்தொழில் அமைச்சின் இராஜாங்க அமைச்சருமான வடிவேல் சுரேஸ், அதிகாரிகள் உள்ளிட்ட பலர் கலந்துகொண்டிருந்தனர்.  

அனர்த்த முகாமைத்துவ அமைச்சின் நிதியொதுக்கீட்டின் மூலம், வீடமைப்பு நிர்மாணத்துறை அமைச்சின் கீழ், இந்த அடிக்கல் நாட்டும் நிகழ்வு இடம்பெற்றது. இங்கு நிர்மாணிக்கப்படவுள்ள ஒரு வீட்டுக்கு, 12 இலட்சம் ரூபாய் நிதியொதுக்கீடு செய்யப்படவுள்ளது.