‘இனவாதத்தைத் தூண்டும் அரசியல்’

இனவாதத்தைத் தூண்டும் அரசியலே நாட்டில் காணப்படுவதாக, மக்கள் விடுதலை முன்னணியின் தலைவரும் நாடாளுமன்ற உறுப்பினருமான அநுரகுமார திஸாநாயக்க தெரிவித்தார்.  

ஹட்டன் - டிக்கோயா நகரசபை மண்டபத்தில், நேற்று முன்தினம் (15) இட​ம்பெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கும் போதே, அவர் மேற்கண்டவாறு தெரிவித்தார். 

அவர் தொடர்ந்து கருத்துத் தெரிவிக்கையில்,  

ஒரு சமூக வலைதளத்தில், முன்னாள் ஜனாதிபதி மஹிந்த ராஜபக்ஷ ஆட்சியில் இருந்திருந்தால், குண்டுதாரிகள் வெள்ளை வானில் கடத்தப்பட்டிருப்பர் என்று குறிப்பிடப்பட்டிருந்தது என்றும் இதன்மூலம், வெள்ளை வான் கலாசாரம் நல்லது என்று கூறப்படுவதைப் புரிந்துகொள்ள முடிந்தது என்றும் அவர் கூறினார்.  

நாட்டை, இராணுவத்தினர் பொறுப்பேற்றால் நல்லது என தான் நினைப்பதாகவும் ஆனால், பொதுமக்களுடைய பாதுகாப்பு, அரசாங்கத்திடம் ஒப்படைக்கப்பட்டுள்ளது என்றும் கூறினார்.