சிங்கராஜ வனத்தில் 143 ஏக்கர் காடழிப்பு சுற்றாடலியலாளர்கள் கண்டனம்

ஏ.ஏ.எம்.பாயிஸ்

சிங்கராஜ வனத்தில், 143 ஏக்கர் பகுதி காடுகளில், தேயிலைச் செய்கை செய்யப்படுவதாக, சுற்றாடலியலாளர்கள் முறைப்பாடு செய்துள்ளனர்.

இவ்வனாந்திரத்தின் தெல்கொட என்ற பிரதேசத்திலேயே, இந்தக் காடழிப்பு நிகழ்வதாகவும் இதுவரை 10 ஏக்கருக்கும் அதிகமான காடுகள் அழிக்கப்பட்டு, தேயிலைக் கன்றுகள் நடும் முயற்சிகள் மேற்கொள்ளப்பட்டு வருவதாக தெரிவிக்கப்பட்டுள்ளது.

இவ்வனாந்தரத்தில், 143 ஏக்கர் நிலத்துக்கு போலிக்காணி உறுதியைத் தயாரித்து, இம்முயற்சி மேற்கொள்ளப்படுவதாகவும் இதனால், இப்பிரதேசத்திலுள்ள பிராணிகள், பறவைகள் உள்ளிட்ட அரியவகை மூலிகை மரங்கள் அழிக்கப்பட்டு வருவதாகவும் தெரிவிக்கப்படுகின்றது.