பிரவுன்ஸ்விக் தொழிலாளர்கள் ஆர்ப்பாட்டம்

செ.தி.பெருமாள்

சம்பள உயர்வை வலியுறுத்தி, மஸ்கெலியா பிரவுன்ஸ்விக் தோட்டத் தொழிலாளர்கள், தோட்டத் தொழிற்சாலைக்கு முன்பாக இன்று (7) காலை 10.30 மணிக்கு ஆர்ப்பாட்டத்தில் ஈடுபட்டனர்.

தொழிலாளர்களின் உழைப்பைச் சுரண்டி இலாபமடையும் கம்பனிகளால், 1,000 ரூபாய் அடிப்படைச் சம்பளத்தை ஏன் வழங்க முடியாது என்று இதன்போது கேள்வி எழுப்பிய ஆர்ப்பாட்டக்காரர்கள், பொருளாதார நெருக்கடிக்கு மத்தியிலேயே வாழ வேண்டியுள்ளதாகவும் தொழிலாளர்களின் நிலையைக் கருத்திற்கொண்டு நியாமான சம்பள உயர்வை வழங்க தொழிலாளர்கள் முன்வர வேண்டுமென்றும் கோரிக்கை விடுத்தனர்.