மதனமோதகத்துடன் இருவர் கைது

எஸ்.சதீஸ், துவாரக்ஷான் 

 தடைசெய்யப்பட்ட போதைப்பொருளான மதனமோதகத்தை, விற்பனைக்காக வைத்திருந்த இருவரை, நேற்று (15) கைதுசெய்துள்ளதாக, மதுவரித் திணைக்கள அதிகாரிகள் தெரிவித்தனர்.  கொட்டகலையைச் சேர்ந்த இருவரே, இவ்வாறு கைதுசெய்யப்பட்டுள்ளனர். 

மதுவரித் திணைக்கள அதிகாரிகளுக்குக் கிடைக்கப்பெற்ற இரகசியத் தகவலுக்கு அமைவாக, மேற்படி பகுதியிலுள்ள வீடொன்றைச் சுற்றிவளைத்து சோதனை மேற்கொண்ட அதிகாரிகள், மதனமோதகத்துடன் அவ்விருவரையும் கைதுசெய்துள்ளனர். 

இதன்போது, 150 மில்லிகிராம் மதனமோதகத்தையும் அதிகாரிகள் கைப்பற்றியுள்ளனர்.  இது தொடர்பில், மதுவரித் திணைக்களத்தின் ஹட்டன் கிளை அதிகாரிகள், மேலதிக விசாரணைகளை மேற்கொண்டு வருகின்றனர்.