மலையகத்தில் மரக்கறிகளின் விலை அதிகரிப்பு

மலையகப்பகுதியில், மரக்கறி வகைகளின் விலை என்றும் இல்லாத அளவுக்கு தற்​போது உயர்ந்துள்ளது. ஒரு கிலோகிராம் கறிமிளகாய் 1,200 ரூபாய், ஒரு கிலோகிராம் பச்சை மிளகாய் 1,500 ரூபாய், ஏனைய மரக்கறிகள் அனைத்தும் ஒரு கிலோகிராம் 600 ரூபாய் என்று விற்பனை செய்யப்பட்டு வருகின்றது.

இதனால், தாம் பாரிய அசௌரியங்களுக்கு முகங்கொடுத்து வருவதாக, பெருந்தோட்டத் தொழிலாளர்கள் கூறினர். பொருட்களின் விலை உயர்ந்தாலும், நாளாந்த வேதனம் உயரவில்லை என்றும் ஒருநாள் வேதனத்தைக்கொண்டு, தங்களது வாழ்க்கையைக் கொண்டு நடத்தமுடியாமலுள்ளது என்றும், அவர்கள் தெரிவித்தனர். எனவே, பெருந்தோட்டத் தொழிலாளர்களுக்கு, இந்த விலை உயர்வைக் கட்டுப்படுத்துவதற்கு, நல்லாட்சி அரசாங்கம் முன்வரவேண்டும் என்று, கோரிக்கை விடுக்கப்பட்டுள்ளது.