மாதாந்தக் கூட்டம்

எம்.கிருஸ்ணா

ஹட்டன் - டிக்கோயா மருத்துவர் சங்கத்தின் மாதாந்தக் கூட்டம், ஹட்டன் சக்தி மண்டபத்தில், இன்று (30) நடைபெற்றது.

மருத்துவர் சங்கத்தின் தலைவர் எஸ்.உதயச்சந்திரன் தலைமையில் நடைபெற்ற இந்தக் கூட்டத்தில், சிகையலங்கார ஊழியர்கள் எதிர்நோக்கும் பிரச்சினைகள் தொடர்பாகக் கலந்துரையாடப்பட்டது.

அத்துடன், கொவிட்- 19ஐ தடுப்பதற்கான பொதுச் சுகாதார விதிமுறைகளுக்கு அமைவாக, சிகையலங்காரத் தொழிலை முன்னெடுத்துச் செல்வதுத் தொடர்பிலும் கலந்துரையாடப்பட்டது.

மேலும் ஊரடங்குச் சட்டம் அமல்படுத்தப்பட்டிருந்த காலப்பகுதியில், தாமாக முன்வந்து உதவியவர்களுக்கு, நடைபெறவுள்ள நாடாளுமன்றத் தேர்தலில் ஆதரவளிப்பது என அனைவராலும் ஏகமானதாகத் தீர்மானம் நிறைவேற்றப்பட்டது.