மீறியபெத்தை தமிழ் வித்தியாலயத்தில் காட்டு யானை அட்டகாசம்

பதுளை, மீறியபெத்தை தமிழ் வித்தியாலயத்துக்குள் புகுந்த காட்டு யானைகள், வித்தியாலய அலுவலக அறையையும் வித்தியாலய மலசலகூடத் தொகுதியையும் தாக்கி சேதப்படுத்தியுள்ளது.

இது குறித்து, வித்தியாலய அதிபர் எம்.கருணாநிதி, பண்டாரவளைக் கல்விப் பணிப்பாளருக்கு புகார் செய்துள்ளார்.

இரவு நேரங்களிலேயே, காட்டு யானைகளின் அட்டகாசம் மேலோங்கியிருப்பதாகவும் வித்தியாலய அலுவலக அறை பலத்த சேதத்துக்குள்ளாகியிருப்பதால். பெறுமதிமிக்க கோவைகள், பொருகள் போன்றவை அழிந்துவிட்டதாகவும் அதிபர் தெரிவித்துள்ளார்.

கடந்த வாரத்தில், இப்பகுதிக்குக் காட்டு யானைகள் வந்து ஒருவர் மீது தாக்குதல் மேற்கொண்டமையால், அந்நபர் உயிரிழந்துள்ளார் என, பிரதேச மக்கள் தெரிவித்தனர்.