குடிநீரை சிக்கனமாகப் பயன்படுத்தவும்

அக்கராயனில் விநியோகிக்கப்படுகின்ற குடிநீரை, சிக்கனமாகப் பயன்படுத்துமாறு அறிவிக்கப்பட்டுள்ளது.

வரட்சி காரணமாக, குடிநீர்த் திட்டக் கிணற்றில் இருந்து, குறைந்தளவு நீரே குடிநீருக்காக விநியோகிக்கப்பட்டுக் கொண்டிருக்கும் நிலையில், பயனாளிகள், குடிநீரை வீண்விரயம் செய்து வருவதாகவும் பயிர்ச் செய்கை முயற்சிகளுக்குப் பயன்படுத்துவதாகவும், அதிகாரிகளிடம் முறைப்பாடுகள் முன்வைக்கப்பட்டுள்ளன.

இதனடிப்படையிலேயே, குடிநீரைச் சிக்கனமாகப் பயன்படுத்தி, வரட்சியில் இருந்து குடிநீர்த் தேவையைப் பூர்த்தி செய்துகொள்ளுமாறு அறிவிக்கப்பட்டுள்ளது.