ஆபத்தான நிலையில் வட்டுவாகல் பாலம்

முல்லைத்தீவு வட்டுவாகல் பாலம் மிகவும் சேதமடைந்து ஆபத்தான நிலையில் காணப்படுகிறது.

குறித்த பாலம் திருத்தப்பட வேண்டும் என பல தரப்பினராலும் பல தடவைகள் கோரப்பட்டபோதும் நிதி கிடைக்கவில்லை என தெரிவிக்கப்பட்டு புனரமைப்பு பணிகள் எவையும் இடம்பெறவில்லை.

இந்நிலையில் தற்போது பாலத்தில் பல்வேறு இடங்களில் வெடிப்புக்களும் வீதி பாதுகாப்பு அற்றதாகவும் வீதியில் சில இடங்களில் தாழிறங்கியும் காணப்படுகிறது.

தற்போது குறித்த நீரேரியில் அதிக நீர் நிரம்பி காணப்படும் நிலையில் தற்காலிகமாகவேனும் வீதியில் திருத்தங்கள் மேற்கொள்ள வேண்டும் என பொதுமக்கள் கோரிக்கை விடுத்துள்ளனர்.