இந்திய மீனவர்களுக்கு மறியல்

-எஸ்.றொசேரியன் லெம்பேட்

இலங்கை கடற்பரப்பினுள் அத்துமீறி நுழைந்து, தலைமன்னார் கடற்பரப்பில் மீன் பிடித்த 6 இந்திய மீனவர்களையும் எதிர்வரும் 7 ஆம் திகதி வரை விளக்கமறியலில் வைக்குமாறு, மன்னார் பதில் நீதவான் இ.கயஸ்பெல்டானோ, இன்று (25) உத்தரவிட்டார்.

இந்தியா - கூடங்குளத்தைச் சேர்ந்த மீனவர் ஒருவரும் இராமேஸ்வரத்தைச் சேர்ந்த மீனவர்கள் 5 பேர் உள்ளடங்களாக 6 மீனவர்கள் படகு ஒன்றில், நேற்று (24) மீன் பிடிக்க கடலுக்குச் சென்றுள்ளனர்.

குறித்த மீனவர்கள், இலங்கை கடற்பரப்பினுள் நுழைந்து மீன் பிடியில் ஈடுபட்டுக்கொண்டிருந்த போது கடல் ​ரோந்து கடமையில் ஈடுபட்ட இலங்கை கடற்படையினரால் கைதுசெய்யப்பட்டமை குறிப்பிடத்தக்கது.