டிக்கோயா நகரசபையின் முன்னாள் தலைவர் மீது சட்டத்தரணிகள் தாக்குதல்?

ஹட்டன்-  டிக்கோயா நகரசபையின் முன்னாள்  தலைவர் அழகமுத்து நத்தகுமார் மீது, ஹட்டன் நீதவான் நீதிமன்றில் கடமையாற்றும் சட்டத்தரணிகள் சிலர் தாக்குதல் மேற்கொண்டுள்ளதாக தெரிவிக்கப்படுகின்றது.

அத்துடன், தாக்குதலுக்கு உள்ளான அவர், டிக்கோயா ஆதார வைத்தியசாலையில் அனுமதிக்கப்பட்டுள்ளதாக கூறப்படுகின்றது.

ஹட்டன் நகரில் உள்ள விழா மண்டபமொன்றில் நேற்று (19) இரவு சட்டத்தரணிகளால்  ஏற்பாடு ​செய்யப்பட்ட நிகழ்வில் முன்னாள் தலைவர் கலந்துகொண்டுள்ளார்.

இதன்போது, சட்டத்தரணிகளுடன் ஏற்பட்ட வாய்த்தர்க்கம் முற்றியதில் தன்மீது  தாக்குதல் நடத்தப்பட்டுள்ளதாக முன்னாள் தலைவர் பொலிஸில் முறையிட்டுள்ளார்.