வாகன விபத்தில் கத்தோலிக்க யாத்திரிகர்கள் ஆறு பேர் காயம்

(ரி-விவேகராசா)

மன்னார் செட்டிகுளம் வீதியில் மெனிக்பாமிற்கு அருகாமையில் இன்று ஞாயிறுக்கிழமை பயணிகள் வானொன்றும் சிறிய ரக லொறியொன்றும் மோதியதில் கத்தோலிக்க யாத்திரிகர்கள் ஆறு பேர் காயமடைந்துள்ளனர்.

காயமடைந்தவர்கள் செட்டிகுளம் அரசினர் வைத்தியசாலையில் அனுமதிக்கப்பட்டுள்ளனர்.

மடு யாத்திரைக்கு சென்றுவிட்டு நீர்கொழும்பிற்கு திரும்பிக்கொண்டிருந்த பயணிகளே  காயமுற்றுள்ளனர்.

இது தொடர்பான மேலதிக விசாரணைகளை செட்டிகுளம் பொலிசார் மேற்கொண்டு வருகின்றனர்.