30 நிமிடங்கள் மாத்திரமே உறங்கும் இளைஞர்

ஜப்பானைச்  சேர்ந்த தைசுகே ஹோரி எனும் இளைஞர் கடந்த 12 ஆண்டுகளாக நாளொன்றுக்கு  30 நிமிடங்கள் மாத்திரமே  உறங்குவதாக வெளியான செய்தி மக்கள் மத்தியில் ஆச்சரியத்தை ஏற்படுத்தியுள்ளது.

36 வயதான குறித்த இளைஞர் இது குறித்துக் கூறியதாவது”இவ்வாறு உறங்குவதால்தான்  மிகவும் ஆரோக்கியமாகவும், சுறுசுறுப்பாகவும் இருக்கின்றேன். மேலும், தூங்கும் நேரத்தை எப்படிக் குறைப்பது என்பது  குறித்து நூற்றுக்கணக்கானோருக்கு பயிற்சி அளித்தும் வருகின்றேன்.

எல்லாரையும் போன்று ஆரம்பத்தில்   நானும் 8 மணி நேரம் தூங்கிக்கொண்டுதான்  இருந்தேன். ஆனால் இதனால் என்னுடைய பல வேலைகள்பாதிப்படைந்தன. எனவே தூங்கும் நேரத்தைக் குறைக்கத் தொடங்கினேன். கொஞ்சம் கொஞ்சமாக குறைத்து 12 ஆண்டுகளாக ஒரு நாளைக்கு 30 நிமிடங்கள் மட்டுமே தூங்குகிறேன். சில நாட்களில் அரை மணி நேரத்துக்கும் குறைவாகக்கூட தூங்குகிறேன். இதனால் உடல் ரீதியாக எந்த பாதிப்பும் எனக்கு ஏற்படவில்லை ”எனத் தெரிவித்துள்ளார்.