திருக்கோவில் பிரதேச செயலகத்தின் புதிய கணக்காளர் நியமனம்

திருக்கோவில் பிரதேச செயலகத்தின் புதிய கணக்காளராக எம்.கேந்திரமூர்த்தி நேற்று (07) செவ்வாய்க்கிழமை உத்தியோகபூர்வமாகத் தனது கடமைகளைப் பொறுப்பேற்றுக்கொண்டார்.

திருக்கோவில் பிரதேச செயலாளர் த.கஜேந்திரன் முன்னிலையில் இந்த பதவியேற்பு நிகழ்வு இடம்பெற்றது.

புதிய கணக்காளராகப் பொறுப்பேற்றுள்ள எம்.கேந்திரமூர்த்தி, இதற்கு முன்னர் கல்முனை ஆதார வைத்தியசாலையின் கணக்காளராகக் கடமையாற்றியவர் என்பது குறிப்பிடத்தக்கது.

இந்த பதவியேற்பு நிகழ்வில் ரெட்னம் சுவாகர் - உதவிப் பிரதேச செயலாளர், திருமதி அனோஜா உசாந்த் - உதவித் திட்டமிடல் பணிப்பாளர், எம்.அரசரெத்தினம் - சமுர்த்தி தலைமைப்பீட முகாமையாளர், எம்.பிரதீப் - மேலதிக மாவட்டப் பதிவாளர் மற்றும் பிரதேச செயலகத்தின் ஏனைய உத்தியோகத்தர்கள் என பலரும் கலந்துகொண்டு சிறப்பித்தனர்.

வி.ரி. சகாதேவராஜா