ஜப்பானில் 6.8 ரிக்டர் அளவிலான நிலநடுக்கம்;சுனாமி எச்சரிக்கை

ஜப்பானின் கிழக்கு கடற்கரையில் 6.8 ரிக்டர் அளவிலான நிலநடுக்கம் ஞாயிற்றுக்கிழமை காலை 08.03 மணிக்கு ஏற்பட்டதாக அமெரிக்க புவியியல் ஆய்வு மையம் தெரிவித்துள்ளது. 

இவாட் மாகாணத்திற்கு அருகில் 10 கிலோமீட்டர் (6.21 மைல்) ஆழத்தில் இந்த நிலநடுக்கம் ஏற்பட்டது.

இவாட் மாகாணத்தின் கிழக்கு கடற்கரைக்கு ஜப்பான் வானிலை ஆய்வு நிறுவனம் சுனாமி எச்சரிக்கை விடுத்துள்ளது.

இவாட் கடற்கரையில் 1 மீட்டர் (3.28 அடி) உயர அலைகள் ஏற்பட சாத்தியக்கூறு காணப்படுவதாக ஜப்பான் வானிலை ஆய்வு நிறுவனம் தெரிவித்துள்ளது.