தடகளப் போட்டிகளில் 17 வயதுப் பிரிவில் 3 தங்கப்பதக்கங்கள் வென்று சாதனை

(கவிசுகி)

வடமாகாண பாடசாலைகளுக்கிடையிலான தடகளப் போட்டிகளில் மூன்று தங்கப்பதக்கங்களை வென்று வடமராட்சி வடஇந்து மகளிர் கல்லூரி மாணவி வேலுமயிலு யோகமயிலினி தேசிய மட்டப் போட்டிக்கு தெரிவாகியுள்ளார்.

வடமாகாண பாடசாலைகளுக்கிடையில் நடைபெற்ற தடகளப் போட்டிகளில் 17 வயதுடையவர்களுக்கான பிரிவில் பங்குபற்றிய இவர் 100 மீற்றர் ஓட்டம், நீளம் பாய்தல், முப்பாய்ச்சல் போட்டிகளில் தங்கப் பதக்கத்தை வென்று சாதனை படைத்துள்ளார்.

இவ்வீராங்கனை முப்பாய்ச்சல் போட்டியில் 17 வயதுப்பிரிவில் வடமாகாண சாதனையை முறியடித்து 10.36 மீற்றர் தூரம் பாய்ந்து சாதனை நாட்டியுள்ளார்.