தெல்லிப்பளை மகாஜனா கல்லூரி வட மாகாண சம்பியன்

வட மாகாண கல்வி அமைச்சினால் வட மாகாண மாவட்ட பாடசாலை அணிகளுக்கு இடையே நடத்தப்பட்ட பெண்களுக்கான கரப்பந்தாட்டப் போட்டியில் தெல்லிப்பளை மகாஜனா கல்லூரி மாகாண சம்பியனாக தெரிவு செய்யப்பட்டுள்ளது.

வவுனியா முஸ்ஸிம் மகாவித்தியலய மைதானத்தில் இன்று சனிக்கிழமை இடம் பெற்ற இறுதிப் போட்டியில் வவுனியா கிடாய்சூரி அரசினர் தமிழ் கலவன் பாடசாலையும் யாழ்ப்பாணம் தெல்லிப்பளை மகாஜனாக் கல்லூரியும் மோதின.

மூன்று சுற்றுக்கள் கொண்ட இந்தப் போட்டியில் முதல் இரண்டு நேர் சுற்றுக்களை முறையே 25-11,  25-16 புள்ளிகள் என்ற அடிப்படையில் தெல்லிப்பளை மகாஜனாக் கல்லூரி வவுனியா கிடாய்சூரி அரசினர் தமிழ் கலவன் பாடசாலையை வெற்றி கொண்டு, வட மாகாண சம்பியனாக தெரிவு செய்யப்பட்டுள்ளது.