-எஸ்.சசிக்குமார்
இலங்கை பாடசாலைகள் கிரிக்கெட் சங்கம் பிரிவு iii, 15 வயதுக்கு உட்பட்டவர்களுக்கான போட்டி ஸ்ரீ கோணேஸ்வரா இந்துக் கல்லூரி மைதானத்தில் இன்று செவ்வாய்க்கிழமை காலை நடைபெற்றது.
பதவிய மகா வித்தியாலய அணியை எதிர்த்து விளையாடிய ஸ்ரீ கோணேஸ்வரா இந்துக் கல்லூரி அணி 162 ஓட்டங்களால் வெற்றி பெற்றது.
முதலில் துடுப்பெடுத்தாடிய ஸ்ரீ கோணேஸ்வரா இந்துக் கல்லூரி அணி 42.5 பந்து பரிமாற்றங்களில் சகல விக்கட்டுக்களையும் இழந்து 276 ஓட்டங்களைப் பெற்றது. க.கிரிசாந்தன் 41, ஆனந்தபிரகாஷ் 30, யு.மதுகரன் 29, வே.தகசனன் 22, ஹ.ரிசிகீர்த்தனன் 22, பே.பானுசாந் 20, ஓட்டங்களைப் பெற்றுக் கொடுத்தனர்.
பதிலுக்கு விளையாடிய பதவிய அணி 25 பந்து பரிமாற்றங்களில் சகல விக்கட்டுக்களையும் இழந்து 114 ஓட்டங்களைப் பெற்றது. ஹ. ரிசிகீர்த்தனன் 6.2 பந்து பரிமாற்றங்களில் 21 ஓட்டங்களுக்கு 5 விக்கட்டுக்களையும். பே.பானுசாந், வி.ஆனந்தபிரகாஷ், ம.அஜந்தன், பு.டினுர்சன் ஆகியோர் தலா ஒரு விக்கெட்டைப் பெற்றுக் கொண்டனர்.
