தொழில் திணைக்களத்தின் செயற்பாடுகள் 11ஆம் திகதி ஆரம்பம்

சுகாதார பாதுகாப்பு நடைமுறைகளைப் பின்பற்றி இந்த மாதம் 11ஆம் திகதி தொழில் திணைக்களத்தின் கீழ் செயற்படும் நிறுவனங்களை திறக்க நடவடிக்கை எடுத்துள்ளதாக தொழில் ஆணையாளர் நாயகம் ஏ. விமலவீர தெரிவித்தார்.

அதற்கமைய, அத்தியாவசியமான சேவை குழுக்களை மாத்திரம் பயன்படுத்தி, பணிகளை ஆரம்பிக்கவுள்ளதாகவும் அவர் தெரிவித்துள்ளார்.

இதன்போது, தொழில் பிரச்சினைகள் தொடர்பான முறைப்பாடுகளை தொழிலாளர்கள் முன்வைக்கும் வாய்ப்பு ஏற்படுத்தி கொடுக்கப்பட்டுள்ளதாகவும் நிறுவனங்களை கிருமி தொற்று நீக்கி, சுகாதார ஆலோசனைகளைப் பின்பற்றுமாறு அலுவலக சபையினருக்கு ஆலோசனை வழங்கியுள்ளதாகவும் ஆணையாளர் தெரிவித்துள்ளார்.