’பி.சீ.ஆர் பரிசோதனை அறிக்கைகளில் குறைப்பாடு ’

கொரோனா தொற்று குறித்து இதுவரை முன்னெடுக்கப்பட்ட பி.சீ.ஆர் பரிசோதனை அறிக்கைகளில் 13 அறிக்கைகளில் குறைப்பாடுகள் காணப்படுவதாக, மருத்துவ ஆய்வக வல்லுநர்களின் நிறுவனம் தெரிவித்துள்ளது. 

இவ்வாறு தவறான அறிக்கை வெளியிடப்பட்டமை குறித்து ஜனாதிபதிக்கு அறிவிக்கவுள்ளதாக, நிறுவனத்தின் தலைவர் ரவி குமுதேஷ் தெரிவித்துள்ளார்.

தொற்றாளர்களாக உறுதிசெய்யப்பட்ட சிலருக்கு பின்னர் மேற்கொள்ளப்பட்ட பரிசோதனைகளில் வைரஸ் தொற்று உறுதி செய்யப்படவில்லை எனவும் அவர் சுட்டிக்காட்டியுள்ளார்.