பெலியத்த ஆயர்வேத வைத்தியசாலை தற்காலிகமாக மூடப்பட்டுள்ளது

பெலியத்த ஆயர்வேத வைத்தியசாலையின் பணியாளர்கள் இருவர், கொரோனா தொற்றாளர்கள் இருவருடன் தொடர்பிலிருந்துள்ளமை தெரியவந்துள்ளதால், இந்த வைத்தியசாலையை தற்காலிகமாக மூட நடவடிக்கை எடுத்ததாகபெலியத்த சுகாதார வைத்திய அதிகாரி அநுர ஜயசேகர தெரிவித்துள்ளார்.

தங்காலை- வகேகொட பிரதேசத்தைச் சேர்ந்த ஒருவரே கொரோனா தொற்றுக்குள்ளாகியுள்ளமை இன்று உறுதிப்படுத்தப்பட்டுள்ளதாகவும் அவர் தெரிவித்துள்ளார்.

இந்த தொற்றாளரின் வீட்டில் இடம்பெற்ற விருந்துபசார நிகழ்வில், பெலியத்த வைத்தியசாலையில் கடமையாற்றும் சாரதியும் அவரது மனைவியும் கலந்துகொண்டமை காரணமாகவே வைத்தியசாலையை தற்காலிகமாக மூடநடவடிக்கை எடுத்ததாகவும் அவர் தெரிவித்துள்ளார்.