மாடியிலிருந்து விழுந்து சீனப் பி​ரஜை பலி

நுவரெலியா,  மாகஸ்தோட்ட பகுதியிலுள்ள சுற்றுலா விடுதியொன்றின் மேல் மாடியிலிருந்து விழுந்ததில் சீனப் பிரஜையொருவர் உயிரிழந்துள்ளார்.

இன்று (23) காலை 06.30 மணியளவில், குறித்த சுற்றுலா விடுதியின் மூன்றாவது மாடியில் நின்றுகொண்டிருந்த  பெண், குறித்த மேல் மாடியில் பொருத்தப்பட்டிருந்த பலகை தவறுதலாக உடைந்து விழுந்ததில், பலத்த காயங்களுக்குட்பட்டு, வைத்தியசாலையில் அனுமதிக்கப்பட்ட நிலையில் உயிரிழந்துள்ளதாகப் பொலிஸார்  தெரிவித்தனர்.

மேலும் சம்பவத்தில் உயிரிழந்த குறித்த பெண், சீனாவை சேர்ந்தவரென்பதுடன், 34 வயதுடையரென்றும் பொலிஸார் தெரிவித்தனர்.