ஹெலிகாப்டர் மூலம் கொழும்பிற்கு அழைத்துவரப்பட்ட 2 சிசுக்கள்

மின் தடை காரணமாக சிலாபம் ஆதார மருத்துவமனையில் சிகிச்சை பெற்று வந்த 2 சிசுக்கள், இலங்கை விமானப்படையினரால் நேற்று மருத்துவர்களின் உதவியுடன் ஹெலிகாப்டர் மூலம் மீட்கப்பட்டு கொழும்பில் உள்ள சீமாட்டி ரிட்ஜ்வே சிறுவர் மருத்துவமனையில் அனுமதிக்கப்பட்டனர்.
 
2 சிசுக்களுடன் 10 வயது சிறுமியும் சீமாட்டி ரிட்ஜ்வே சிறுவர் மருத்துவமனைக்கு சிகிச்சைக்காக அழைத்து வரப்பட்டனர் என விமானப்படை மேலும் கூறுகிறது.

இதனையடுத்து இலங்கை விமானப்படைத் தளத்தின் இலக்கம் 04 ஆவது படையணியைச் சேர்ந்த Bell-412 ரக ஹெலிகாப்டர் மூலம் அவர்கள் கட்டுநாயக்க முகாமுக்குக் கொண்டு வரப்பட்டனர்.
 
பின்னர் அங்கிருந்து நோயாளர் காவுவண்டி மூலம் சீமாட்டி ரிட்ஜ்வே சிறுவர் மருத்துவமனையில் அனுமதிக்கப்பட்டனர் என விமானப்படை  கூறியுள்ளது. (a)