கிணற்றில் தவறி விழுந்து 9 வயது சிறுமி பலி

(ஹிரான் பிரியங்கர ஜயசிங்க)

பாதுகாப்பற்ற முறையில் அமைக்கப்பட்டிருந்த கிணறு ஒன்றில் தவறி விழுந்த 9 வயது சிறுமியொருவர் பரிதாபகரமாக உயிரிழந்த சம்பவமொன்று புத்தளம், ஆனைக்கட்டுவான் பகுதியில் இடம்பெற்றுள்ளது.

சம்பவத்தில் குறித்த பகுதியைச் சேர்ந்த நதீஷானி என்ற சிறுமியே உயிரிழந்தவராவார். நேற்று மாலை குறித்த பகுதியில் அமைந்துள்ள மேற்படி கிணற்றுக்கு தண்ணீர் எடுக்கச் சென்ற போதே அவர் தவறி அதில் விழுந்துள்ளார் என பொலிஸ் விசாரணைகளிலிருந்து தெரியவந்துள்ளது.

சிறுமியின் சடலம் தற்போது பிரேத பரிசோதனைகளுக்காக புத்தளம் வைத்தியசாலையில் ஒப்படைக்கப்பட்டுள்ளதுடன் சம்பவம் தொடர்பான மேலதிக விசாரணைகளை புத்தளம் பொலிஸார் மேற்கொண்டு வருகின்றனர்.