மாணவியின் நிர்வாண படங்களை இணையத்தில் வெளியிடப்போவதாக மிரட்டியவர் கைது

(எஸ்.எம்.மும்தாஜ்)

18 வயதுடைய மாணவி ஒருவரின் நிர்வாணப் படங்களை இணையத்தளத்தில் வெளியிடப் போவதாகவும், அவ்வாறு செய்யாதிருக்க வேண்டுமெனில் தனக்கு நாற்பதாயிரம் ரூபாய் தரவேண்டும் எனவும் கோரி மிரட்டல் விடுத்ததாகக் கூறப்படும் ஒருவர் குருநாகல் பொலிஸாரால் இன்று கைது செய்யப்பட்டுள்ளார்.

ஹெட்டிப்பொல பிரதேசத்தைச் சேர்ந்த 26 வயதுடைய இளைஞனே இன்று குருநாகல் நகரில் வைத்து கைது செய்யப்பட்டுள்ளார்.

குளியாபிட்டி பிரதேசத்தைச் சேர்ந்த குறித்த மாணவி தனது பெற்றோருடன் குருநாகல் சிரேஷ்ட பொலிஸ் அத்தியட்சகர் வாஸ் குணவர்தனவிடம் செய்த முறைப்பாட்டினைத் தொடர்;ந்து பொலிஸார் மேற்கொண்ட விசாரணைகளையடுத்தே இச்சந்தேக நபர் கைது செய்யப்பட்டுள்ளார்.

இச்சம்பவம் தொடர்பில் மேலதிக விசாரணைகளை குருநாகல் பொலிஸார் மேற்கொண்டு வருகின்றனர்.