அமெரிக்க தூதுவராலய அதிகாரிகள் - புத்தளம் நகர சபை தலைவர் சந்திப்பு

(அப்துல்லாஹ், எம்.என்.எம்.ஹிஜாஸ்)

கொழும்பிலுள்ள அமெரிக்க தூதுவராலய அதிகாரிகளுக்கும் புத்தளம் நகர சபை  தலைவர் கே.ஏ.பாயிஸிற்கும் இடையிலான சந்திப்பொன்று இன்று செவ்வாய்க்கிழமை புத்தளம் நகர சபையில் இடம்பெற்றது.

இதன்போது புத்தளம் நகர அபிவிருத்தி, கல்வி, சுகாதாரம் போன்ற பல்வேறு விடயங்கள் தொடர்பாக கலந்துரையாடப்பட்டது.

புத்தளம் நகர சபை செயலாளர் மற்றும் வட மேல் மாகாண சபை முன்னாள் உறுப்பினர் எஸ்.எச்.எம்.நியாஸ் ஆகியோரும் இச்சந்திப்பில் கலந்துகொண்டனர்.

இதேவேளை, இத்தூதுக்குழுவினர் புத்தளம் ஜூம்ஆ பள்ளிவாசல் நிர்வாகத்தினரையும் சந்தித்துள்ளனர்.
இச்சந்திப்புக்களில் கொழும்பிலுள்ள அமெரிக்க தூதுவராலய பிரதி பிரதான உத்தியோகத்தர் வெலரி  சீ. பௌலர் தலைமையிலான 4 பேர் கொண்ட குழுவினர் கலந்துகொண்டனர்.