வாகன விபத்தில் இளைஞர் காயம்

(ஏ.எஸ்.எப்.ஜெஸீரா)

புத்தளம் தில்லையடி ரத்மல்யாயப் பகுதியில் இன்று காலை இடம்பெற்ற விபத்துச் சம்பவத்தில் மோட்டார் சைக்கிளில் பயணித்த இளைஞர் ஒருவர் காயமடைந்துள்ளார்.

தில்லையடி ரத்மல்யாயப் பகுதியில் இன்று வெள்ளிக்கிழமை  காலை 10 மணியளவில்  முச்சக்கர வண்டியும் மோட்டார் சைக்கிளும் ஒன்றுடனொன்று மோதிக்கொண்டதாலேயே இந்த விபத்து ஏற்பட்டுள்ளது.

குறித்த இளைஞனுக்கு தலையில் பலத்த காயம் ஏற்பட்ட நிலையில்  புத்தளம் வைத்தியசாலையில் அனுமதிக்கப்பட்டுள்ளதாக  புத்தளம் போக்குவரத்துப் பொலிஸார் தெரிவித்தனர்.

இந்த விபத்து சம்பவத்தின்போது முச்சக்கர வண்டி பகுதியளவில் சேதமடைந்துள்ளது. இந்த விபத்து தொடர்பான விசாரணைகளை புத்தளம் பொலிஸார் மேற்கொண்டு வருகின்றனர்.