இரு குழுக்களுக்கிடையில் இடம்பெற்ற மோதலில் இராணுவ வீரர் பலி

(மொஹொமட் ஆஸிக்)

குருணாகலை, மஹவபலல்ல பிரதேசத்தில் இரு குழுக்களுக்கிடையில் இடம்பெற்ற  மோதலில் 46 வயதுடைய இராணுவ வீரரொருவர் பலியானதுடன், ஒருவர் காயமடைந்துள்ளார். நேற்று புதன்கிழமை இந்த சம்பவம் இடம்பெற்றுள்ளது.  

இரு குடும்பங்களுக்கு இடையில் ஏற்பட்ட தகராறு காரணமாகவே இந்த மோதல் ஏற்பட்டுள்ளது. உயிரிழந்தவரின் சகோதரர் ஒருவரும்  இந்த மோதலில் காயமடைந்த நிலையில்  சிகிச்சைக்காக குருணாகலை வைத்தியசாலையில் வைக்கப்பட்டுள்ளார்.