2024 மார்ச் 29, வெள்ளிக்கிழமை

இரண்டாமிடத்துக்கு முன்னேறிய மெஹிடி ஹஸன்

Shanmugan Murugavel   / 2021 மே 26 , பி.ப. 04:54 - 0     - {{hitsCtrl.values.hits}}

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் இரண்டாமிடத்துக்கு, பங்களாதேஷின் சுழற்பந்துவீச்சாளர் மெஹிடி ஹஸன் மிராஸ் முன்னேறியுள்ளார்.

இலங்கைக்கெதிரான முதலிரண்டு போட்டிகளிலும் ஏழு விக்கெட்டுகளைக் கைப்பற்றியதைத் தொடர்ந்தே, ஐந்தாமிடத்திலிருந்து மூன்று இடங்கள் முன்னேறி இரண்டாமிடத்தை மெஹிடி அடைந்துள்ளார்.

இதேவேளை, குறித்த போட்டிகள் இரண்டிலும் ஆறு விக்கெட்டுகளைக் கைப்பற்றிய பங்களாதேஷின் வேகப்பந்துவீச்சாளர் முஸ்தபிசூர் ரஹ்மான், 17ஆம் இடத்திலிருந்து எட்டு இடங்கள் முன்னேறி ஒன்பதாமிடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

  1. ட்ரெண்ட் போல்ட், 2. மெஹிடி ஹஸன் மிராஸ், 3. முஜீப் உர் ரஹ்மான், 4. மற் ஹென்றி, 5. ஜஸ்பிரிட் பும்ரா, 6. ககிஸோ றபாடா, 7. கிறிஸ் வோக்ஸ், 8. ஜொஷ் ஹேசில்வூட், 9. முஸ்தபிசூர் ரஹ்மான், 10. பற் கமின்ஸ்.

முதல் 10 துடுப்பாட்டவீரர்களின் தரவரிசை பின்வருமாறு,

  1. பாபர் அஸாம், 2. விராட் கோலி, 3. ரோஹித் ஷர்மா, 4. றொஸ் டெய்லர், 5. ஆரோன் பின்ஞ், 6. ஜொனி பெயார்ஸ்டோ, 7. பக்கர் ஸமன், பொஸ்வா டு பிளிஸிஸ், 9. டேவிட் வோணர், ஷே ஹோப்.

முதல் ஐந்து சகலதுறைவீரர்களின் தரவரிசை பின்வருமாறு,

  1. ஷகிப் அல் ஹஸன், 2. பென் ஸ்டோக்ஸ், 3. மொஹமட் நபி, 4. கிறிஸ் வோக்ஸ், 5. ரஷீட் கான்.

You May Also Like

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .