அல் - குவைதா தலைவர் உயிருடன் உள்ளாரா?

அமெரிக்க இராணுவத்தால் அல் – குவைதா (Al-Qaeda) பயங்கரவாத அமைப்பின்  தலைவர் ஒசாமா பின்லேடன் கொல்லப்பட்ட பின்னர“, அய்மான் அல் ஸவாஹிரி (Ayman al-Zawahiri ) என்பவர் தலைமைப் பொறுப்பை ஏற்றார்.

உடல் நலக்குறைவால் சில ஆண்டுகளுக்கு முன் அவர் இறந்ததாகக் கூறப்பட்டது. இந்நிலையில், பயங்கரவாத குழுக்களின் இணையதளங்களை கண்காணிக்கும் எஸ்.ஐ.டி.இ., என்ற புலனாய்வு அமைப்பு ஒரு புதிய வீடியோவை வெளியிட்டுள்ளது.

குறித்த வீடியோவில் அய்மான் அல் ஸவாஹிரி பேசுவது போன்ற காட்சிகள் இடம் பெற்றுள்ளதாகத் தெரிவிக்கப்பட்டுள்ளது.

மேலும் அவ் வீடியோவில் ”ஜெருசலேம் யூதமயமாகும் என்பது நடக்காது என அவர் கூறியுள்ளதாகவும், ரஷ்ய படைகள் மீது அல்-குவைதா நடத்திய தாக்குதலை பாராட்டியதாகவும்  தெரிவிக்கப்பட்டுள்ளது.

 எனினும் இவ்வீடியோவின் உண்மை தன்மை குறித்து ஆராய்ந்து வருவதாகவும் கூறப்படுகின்றது.