ஆற்றை தூய்மைப்படுத்திய 11 மாணவர்கள் உயிரிழப்பு

இந்தோனேஷியாவில் ஆற்றை சுத்தப்படுத்தும் பணியில் ஈடுபட்டிருந்த 21 மாணவர்கள் நீரில் மூழ்கி உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

ஜாவா மாகாணத்தில் உள்ள பாடசாலை ஒன்றில் இருந்து ஒருநாள் சுற்றுலாவுக்கு ஆற்றை சுத்தப்படுத்தும் பணிக்கு 150 மாணவர்கள் அழைத்து செல்லப்பட்டனர்.

இந்நிலையில் ஒரு மாணவன் திடீரென தண்ணீரில் தவறி விழுந்து விட, அவனது கைகளைப் பிடித்துக் கொண்டு நின்றிருந்த அடுத்தடுத்த மாணவர்கள் என மொத்தம் 21 மாணவர்கள் ஆற்றில் விழுந்துள்ளதாகத் தெரிவிக்கப்பட்டுள்ளது.

இந்நிலையில் அவர்களில் 10 மாணவர்கள் மீட்கப்பட்டுள்ள நிலையில் ஏனைய   மாணவர்கள் பரிதாபகரமாக ஆற்றில் மூழ்கி உயிரிழந்தனர்.