ஆப்கானிஸ்தானில் தற்போது தலிபான்களின் ஆட்சி இடம்பெற்று வரும் நிலையில்  அந் நாட்டு மக்கள் கடுமையான உணவுப் பஞ்சத்தினால் பாதிக்கப்பட்டுள்ளதாகவும், உணவுப் பொருட்களை வாங்கத் தங்களது பெறுமதியான  உடைமைகளை விற்று வருவதாகவும்  தெரிவிக்கப்பட்டுள்ளது.

இந்நிலையில் அவசர நடவடிக்கை எடுக்கப்படாவிட்டால், பல இலட்சக்கணக்கான  மக்கள் பட்டினியால் உயிரிழக்க நேரிடும் என்று ஐ.நா. எச்சரித்துள்ளது.
 

மேலும் உலக உணவுத் திட்ட நிர்வாக இயக்குநர், டேவிட் பீஸ்லி இது குறித்துக் கருத்துத் தெரிவிக்கையில் ”ஆப்கானிஸ்தானின் 39 மில்லியன் மக்களில் பாதிக்கு மேல் (22.8 மில்லியன்) கடுமையான உணவுப் பற்றாக்குறை மற்றும் பட்டினியை நோக்கிச் சென்றுகொண்டிருக்கின்றனர்.  எனவே

மனிதாபிமான செயல்களுக்கான நிதியை உடனடியாக விடுவிக்க வேண்டும் என்று கோரிக்கை வைத்துள்ளார்.