கொரோனா தடுப்பு மருந்து: தண்ணீரை ஏற்றிக் கொண்ட 800 பேர்

உகண்டாவில் ஏமாற்றுக்காரர்கள் குழுவொன்றால் விற்பனை செய்யப்பட்ட போலியான கொரோனா தடுப்புமருந்துகளை குறைந்தது 800 பேர் ஏற்றிக் கொண்டுள்ளனர்.

இத்தடுப்புமருந்தானது தண்ணீரைத் தவிர வேறொன்றுமில்லை எனத் தெரிவித்த அதிகாரிகள், பாதிக்கப்பட்டவர்களை இலவசமான தடுப்புமருந்தை ஏற்றிக் கொள்ளுமாறு ஆலோசனை வழங்கியுள்ளனர்.

ஏமாற்றுக்காரர்கள் கடந்த மாத இறுதியில் கண்டுபிடிக்கப்பட்ட நிலையில், அக்குழுவில் கைப்பற்றப்பட்ட ஆவணங்களிலிருந்து குறைந்தது 812 பேராவது போலியான கொரோனா தடுப்புமருந்தைப் பெற்றது கண்டுபிடிக்கப்பட்டிருந்தது.

தடுப்புமருந்தொன்றுக்கு குறித்த குழுவானது 28 ஐக்கிய அமெரிக்க டொலர்கள் தொடக்கம் 56 ஐக்கிய அமெரிக்க டொலர்களை அறவிட்டுள்ளது. இந்தியாவின் சேரம் நிறுவகத்தால் தயாரிக்கப்பட்ட அஸ்ரனெக்கா தடுப்புமருந்துகளை போல குறித்த தடுப்புமருந்துகள் இருந்துள்ளன.