சீனாவில் வரலாறு காணாத மழை; 73 பேர் உயிரிழப்பு

சீனாவில் அண்மைக்காலமாக வரலாறு காணாத கனமழை பெய்துவருகின்றது. குறிப்பாக கடந்த 1,000 ஆண்டுகளில் இல்லாத வகையில் சீனாவில் அதிக பட்ச மழை வீழ்ச்சி பதிவாகியுள்ளதாக அந்நாட்டு ஊடகங்கள் தெரிவிக்கின்றன.

இம்மழை வீழ்ச்சியினால்  ஹெனான் மாகாணத்திலுள்ள  ஜெங்ஜவ், ஜிங்ஜியாங், எனியாங் மற்றும் ஹெபி ஆகிய 4 நகரங்கள் அதிகளவில் பாதிக்கப்பட்டுள்ளதாகவும் தெரிவிக்கப்பட்டுள்ளது.

மேலும்  ஓராண்டுக்குப் பெய்ய வேண்டிய மழையானது 3 நாட்களில் பெய்துள்ளதாக அந்நாட்டு ஊடகங்கள் தெரிவிக்கின்றன.

இப் பேரிடரில் உயிரிழந்தவா்களின் எண்ணிக்கை தற்போது 73 ஆக உயா்ந்துள்ளதாகத் தெரிவிக்கப்பட்டுள்ளது. 

மேலும் 9,72,100 ஹெக்டேர் நிலங்களில் பயிரிடப்பட்டு இருந்த பயிர்கள் சேதமடைந்துள்ளதாகவும் மற்றும்  24 ஆயிரத்திற்கும் மேற்பட்ட வீடுகள் பாதிக்கப்பட்டுள்ளதாகவும் தெரிவிக்கப்பட்டுள்ளமை குறிப்பிடத்தக்கது.