வீட்டின் பல்கனியில் துணிகளை உலரவிடத் தடை

டுபாயில் வசிப்பவர்கள் வீட்டின் பல்கனினையத் தவறான முறையில் பயன்படுத்துவற்குத் தடை விதிக்கப்பட்டுள்ளது.

டுபாய் நகரின் அழகான தோற்றத்தை பேணுவதற்காகவே இத் தடைவிதிக்கப்பட்டுள்ளதாகத் தெரிவிக்கப்பட்டுள்ளது.

அந்தவகையில்   பல்கனியில் துணியை உலர விடுதல், சிகரெட் துகள்கள் மற்றும்  குப்பைகளை வீசுதல் , பறவைகளுக்கு உணவளித்தல் ,தொலைக்காட்சி அண்டெனா மற்றும் டிஷ்களை மாட்டுதல் உள்ளிட்ட செயல்களுக்கு தடை விதிக்கப்பட்டுள்ளது.

அத்துடன் இதனை மீறுபவர்களுக்கு 500 முதல் 1,500 திர்ஹம் வரை அபராதம் விதிக்கப்படும் என்றும் தெரிவிக்கப்பட்டுள்ளமை குறிப்பிடத்தக்கது.