.jpg)
-கு.சுரேன்
மானிப்பாய் பரிஷ் விளையாட்டுக்கழகம், யாழ். மாவட்ட துடுப்பாட்டக் கழகங்களுக்கிடையில் பாலகிருஸ்ணன் ஞாபகார்த்த வெற்றிக் கிண்ணத்திற்கான இருபது – 20 துடுப்பாட்டச் சுற்றுப்போட்டியினை மானிப்பாய் இந்து கல்லூரி மைதானத்தில் நடத்தி வருகின்றது.
நேற்று ஞாயிற்றுக்கிழமை மாலையில் நடைபெற்ற போட்டியில் பற்றீசியன் அணியினை எதிர்த்து திருநெல்வேலி இந்து இளைஞர் விளையாட்டுக்கழக அணி மோதியது.
நாணயச் சுழற்சியில் வென்று முதலில் துடுப்பெடுத்தாடிய பற்றீசியின் அணி 20 பந்துபரிமாற்றங்கள் நிறைவில் 7 இலக்குகளை இழந்து 189 ஓட்டங்களைப் பெற்றது. துடுப்பாட்டத்தில் ரியூடர் 65 ஓட்டங்களையும், லிவிங்டன் 34 ஓட்டங்களையும் பெற்றுக்கொடுத்தனர்.
பந்துவீச்சில் திருநெல்வேலி இந்து இளைஞர் விளையாட்டுக்கழக அணி சார்பாக, சுபாஸ் 3 இலக்குகளையும், நிசாந்தன் 2 இலக்குகளையும் கைப்பற்றினர்.
190 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடக் களமிறங்கிய திருநெல்வேலி இந்து இளைஞர் விளையாட்டுக்கழக அணி, மந்தகதியில் துடுப்பெடுத்தாடி 20 பந்துபரிமாற்றங்கள் நிறைவில் 6 இலக்குகளை இழந்து 146 ஓட்டங்களை மாத்திரம் பெற்றுக்கொண்டது. துடுப்பாட்டத்தில் அவ்வணி சார்பாக ராசேந்திரம் 43 ஓட்டங்களைப் பெற்றுக்கொடுத்தார்.
பந்துவீச்சில் பற்றீசியன் அணி சார்பாக கிளின்ங்டன் 3 இலக்குகளைக் கைப்பற்றினார்.
