கிழக்கு மாகாண விளையாட்டுத் திணைக்களத்தின் ஏற்பாட்டில் குழுநிலைப் போட்டிகள்

(எஸ்.எஸ்.குமார்)

கிழக்கு மாகாண விளையாட்டுத் திணைக்களம் மாவட்டங்களுக்கு இடையே குழுநிலைப் போட்டிகளை நடத்தி வருகின்றன.

நேற்றுமுன்தினம் சனிக்கிழமை திருகோணமலை மெக்கெய்சர் விளையாட்டு மைதானத்தில் கால்பந்தாட்டம், கரப்பந்தாட்டம், வலைப்பந்தாட்டம் ஆகிய விளையாட்டுப் போட்டிகள் நடைபெற்றன.  வலைப்பந்தாட்ட  இறுதிப் போட்டியில்   திருகோணமலை மாவட்ட அணியினரை எதிர்கெண்ட மட்டக்களப்பு மாவட்ட அணியினர் வெற்றி பெற்று சம்பியனாகினர்.

பெண்களுக்கான கரப்பந்தாட்ட போட்டியில்  அம்பாறை மாவட்டத்தை எதிர்கொண்ட திருகோணமலை மாவட்ட அணியினர் சம்பியனாகினர். ஆண்களுக்கான கரப்பந்தாட்ட போட்டியில் அம்பாறை மாவட்டத்தை எதிர்கொண்ட திருகோணமலை மாவட்ட அணியினர் சம்பியனாகினர்.

பெண்களுக்கான கால்பந்தாட்ட போட்டியில்  மட்டக்களப்பு மாவட்டத்தை எதிர்கொண்ட அம்பாறை மாவட்டம்  7:0 என்ற கோல்கணக்கில் வெற்றி பெற்று சம்பியனாகினர். ஆண்களுக்கான கால்பந்தாட்ட போட்டியில் மட்டக்களப்பு மாவட்டத்தை எதிர்கொண்ட திருகோணமலை  மாவட்டம் 6:1 என்ற கோல்கணக்கில் வெற்றி பெற்று சம்பியனாகினர்.