எல்லே போட்டியில் யாழ். மாவட்ட அணிக்கு சம்பியன்

(கிரிசன்)

வடமாகாண மாவட்ட அணிகளுக்கிடையே வடமாகாண விளையாட்டுத் திணைக்களத்தினால் நடத்தப்பட்ட ஆண்களுக்கான எல்லே போட்டியில் யாழ். மாவட்ட அணி வடமாகாண சம்பியனாக தெரிவு செய்யப்பட்டது.

யாழ்ப்பாணம் துரையப்பா விளையாட்டு அரங்கில் நேற்று சனிக்கிழமை இடம்பெற்ற இறுதிப் போட்டியில் மன்னார் மாவட்ட அணியும் யாழ். மாவட்ட அணியும் மோதிக்கொண்டன. முதலில் விளையாடிய யாழ். மாவட்ட அணி 09 ஓட்டங்களைப் பெற்ற நிலையில் அனைவரும் ஆட்டம் இழந்தனர்.

இதனைத் தொடர்ந்து விளையாடிய மன்னார் மாவட்ட அணி 06 ஓட்டங்களைப் பெற்ற நிலையில் அனைவரும் ஆட்டம் இழந்தனர்.
இரண்டாவது இன்னிங்சில் விளையாடிய யாழ். மாவட்ட அணி அனைவரும் ஆட்டம் இழந்து மீண்டும் 14 ஓட்டங்களை பெற்றுக்கொண்டது

பதிலுக்கு துடுப்பெடுத்தாடிய மன்னார் மாவட்ட அணி ஓட்டங்கள் எதனையும் பெறாத நிலையில் அனைவரும் ஆட்டம் இழந்தனர்.
ஆட்ட நிறைவில் யாழ். மாவட்ட அணி 23க்கு 06 ஓட்டங்கள் என்ற நிலையில் மன்னார் மாவட்ட அணியை  வெற்றி பெற்று வடமாகாண சம்பியனாக தெரிவு செய்யப்பட்டது.