.jpg)
-கு.சுரேன்
மானிப்பாய் பரிஷ் விளையாட்டுக்கழகம் யாழ். மாவட்ட துடுப்பாட்ட விளையாட்டுக் கழகங்களுக்கிடையில் பாலகிருஸ்ணன் வெற்றிக்கிண்ண இருபது – 20 போட்டியொன்றை மானிப்பாய் இந்து கல்லூரி மைதானத்தில் நடத்தி வருகின்றது.
நேற்று நடைபெற்ற ஆட்டத்தில் யாழ். சென்ரல் விளையாட்டுக்கழக அணியினை எதிர்த்து கிறாஸ்கோப்பர் அணி மோதியது.
நாணயச் சுழற்சியில் வென்ற கிறாஸ்கோப்பர் அணி முதலில் துடுப்பெடுத்தாடக் களமிறங்கி, 18.2 பந்துபரிமாற்றங்களில் அனைத்து இலக்குகளையும் இழந்து 122 ஓட்டங்களைப் பெற்றது. துடுப்பாட்டத்தில் காந்தசீலன் 40 ஓட்டங்களைப் பெற்றுக்கொடுத்தார்.
பந்துவீச்சில் சென்ரல் அணி சார்பாக சலிஸ்ரன் 3 இலக்குகளையும், றொகான், அன்ரூ தலா இரண்டு இலக்குகளையும் கைப்பற்றினர்.
123 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடிய சென்ரல் விளையாட்டுக்கழகம், 18.1 பந்துபரிமாற்றத்தில் 5 இலக்குகளை மாத்திரம் இழந்து வெற்றியிலக்கை அடைந்தது. துடுப்பாட்டத்தில் பாலேந்திரா 41 ஓட்டங்களைப் பெற்றுக்கொடுத்தார்.
பந்துவீச்சில் கிறாஸ்கோப்பர் அணி சார்பாக அஜித், கஜந்தன் தலா 2 இலக்குகளைக் கைப்பற்றினர்.
