ஊரடங்கு உத்தரவை மீறிய 59,035 பேர் கைது

நாட்டில் கடந்த மார்ச் மாதம் 20 ஆம் திகதி தொடக்கம் இதுவரையான காலப்பகுதியில், ஊரடங்கு உத்தரவை மீறிய குற்றச்சாட்டின் அடிப்படையில் 59,035 பேர் கைதுசெய்யப்பட்டுள்ளனரென, பொலிஸ் தலைமையகம் தெரிவித்துள்ளது.

குறித்த காலப்பகுதியில் 16,436 வாகனங்கள் கைப்பற்றப்பட்டுள்ளன என்றும் பொலிஸ் தலைமையகம் தெரிவித்துள்ளது.

நேற்று (17) காலை 6.00 மணி தொடக்கம் இன்று (18) காலை 6.00 மணி வரையான காலப்பகுதியில் 2,709 பேர் கைதுசெய்யப்பட்டுள்ளதுடன், 946 வாகனங்களும் கைப்பற்றப்பட்டுள்ளதாக தெரிவிக்கப்படுகிறது.