பெந்தோட்டையில் கொரோனா கொத்தணி

காலி - பெந்தோட்டை பகுதியில் உள்ள ஒரு நட்சத்திர ஹோட்டல் ஒன்றின் 32 ஊழியர்கள் மற்றும் 3 வெளிநாட்டு சுற்றுலாப் பயணிகள் உட்பட 35 பேர் கொரோனா வைரஸால் பாதிக்கப்பட்டுள்ளனர்.

பெந்தோட்டை இந்துருவ சுகாதார வைத்திய அதிகாரி அலுவலகத்தின் பேச்சாளர் ஒருவர் இந்த தகவலை இன்று உறுதிப்படுத்தியுள்ளார்.

ஹோட்டல் ஊழியர்கள் உட்பட பாதிக்கப்பட்ட நபர்கள் சுகாதார அறிவுறுத்தலின் பேரில் தனிமைப்படுத்தப்பட்டுள்ளனர்.

ஏனைய ஊழியர்கள் PCR பரிசோதனைகளுக்கு உட்படுத்தப்பட்டுள்ளனர் என பொதுச் சுகாதார பரிசோதகர் ஒருவர் தெரிவித்தார்.