மேற்கிந்தியத் தீவுகளுக்கெதிரான 2ஆவது டெஸ்டில் முன்னிலையில் நியூசிலாந்து

நியூசிலாந்து, மேற்கிந்தியத் தீவுகள் அணிகளுக்கிடையிலான இரண்டு போட்டிகள் கொண்ட டெஸ்ட் தொடரில், ஹமில்டனில் நேற்று முன்தினம் ஆரம்பித்த இரண்டாவது டெஸ்டின் இன்றைய இரண்டாம் நாள் ஆட்டமுடிவில் நியூசிலாந்து அணி முன்னிலை பெற்றுள்ளது.

இப்போட்டியில் முதலில் துடுப்பெடுத்தாடிய நியூசிலாந்து, தமது முதலாவது இனிங்ஸில் சகல விக்கெட்டுகளையும் இழந்து 373 ஓட்டங்களைப் பெற்றது. துடுப்பாட்டத்தில், ஜீட் றாவல் 84, கொலின் டி கிரன்ட்ஹொம் 58, அணித்தலைவர் கேன் வில்லியம்சன் 43, ட்ரெண்ட் போல்ட் ஆட்டமிழக்காமல் 37, டிம் செளதி 31 ஓட்டங்களைப் பெற்றனர். பந்துவீச்சில், ஷனோன் கப்ரியல் 4, கேமார் றோச் 3, மிக்கேல் கமின்ஸ் 2 விக்கெட்டுகளைக் கைப்பற்றினர்ல்

பதிலுக்கு, தமது முதலாவது இனிங்ஸில் துடுப்பெடுத்தாடி வருகின்ற மேற்கிந்தியத் தீவுகள், இன்றைய இரண்டாம் நாள் ஆட்டநேர முடிவின்போது 8 விக்கெட்டுகளை இழந்து 215 ஓட்டங்களைப் பெற்று, நியூசிலாந்தின் முதலாவது இனிங்ஸ் ஓட்ட எண்ணிக்கையை விட 158 ஓட்டங்கள் பின்தங்கியுள்ளது.

தற்போது களத்தில் றேமன் றீபயர் 22, மிக்கேல் கமின்ஸ் 10 ஓட்டங்களுடன் ஆட்டமிழக்காமல் 10 ஓட்டங்களுடன் உள்ளனர். கிரேய்க் பிறத்வெய்ட் 66, ஷேன் டெளரிச் 35, ஷிம்ரோன் ஹெட்மயர் 28 ஓட்டங்களுடன் ஆட்டமிழந்தனர். பந்துவீச்சில், டிம் செளதி, ட்ரெண்ட் போல்ட், கொலின் டி கிரஹாம்ஹொம், நீல் வக்னர் ஆகியோர் தலா 2 விக்கெட்டுகளைக் கைப்பற்றினர்.