புதிய அங்கத்தவர்கள் தெரிவு

எஸ்.சுஜிதா

இலங்கை தோட்ட சேவையாளர் சங்கத்தின் திம்புள்ள கிளைக்கான புதிய அங்கத்தவர்கள் தெரிவு, தலவாக்கலை ஸ்ரீ கதிரேசன் ஆலய கலாசார மண்டபத்தில், நேற்று முன்தினம் நடைபெற்றது.

ஜனநாயக முறையில் வேட்பு மனுக்கள் தாக்கல் செய்யப்பட்டு, வாக்கெடுப்பும் இடம்பெற்றுள்ளது. சங்கத்தின் இணைத் தலைவர் பதவிக்கு இருவரும் மத்தியக் குழு உறுப்பினர் பதவிக்கு ஆறு பேரும் வேட்பு மனுத் தாக்கல் செய்துள்ளனர்.

இதற்கமைய, சங்கத்தின் திம்புள்ள கிளை இணைத்தலைவராக புஷ்பராஜ் தெரிவு செய்யப்பட்டுள்ளார். கிளையின் பொருளாளராக எஸ்.கமல் தெரிவு செய்யப்பட்டுள்ளதுடன், கணக்கு பரிசோதராக டபிள்யூ.ஜெயசேகர தெரிவு செய்யப்பட்டார்.

இலங்கை தோட்ட சேவையாளர் சங்கத்தின் திம்புள்ள கிளையில் 58 தோட்டங்களைச் சேர்ந்த 1,200 அங்கத்தவர்கள் உள்ளதோடு, இவர்களில் கணிசமானோர், வாக்களிப்பிலும் கலந்துகொண்டனர்.